منتدي بستان المعارف

منتدي بستان المعارف منتدي يشتمل علي شتي صنوف العلم والأدب والمعرفة ...
 
الرئيسيةالبوابةاليوميةس .و .جبحـثالأعضاءالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
أفضل 10 أعضاء في هذا المنتدى
مدير المنتدي
 
د. عروة
 
amna alamin
 
Mussab
 
آلاء
 
shahir
 
ياسر almak
 
gidro87
 
Dr.S
 
بشير الطيب
 
Google Search
زوار المنتدى

.: عدد زوار المنتدى :.


شاطر | 
 

 أبجدية زوجية ساخرة (2) . . بقلمي

اذهب الى الأسفل 
كاتب الموضوعرسالة
د. عروة
مراقب عام
مراقب عام
avatar

أوسمة أوسمة : مراقب مميز
الإسم بالكامل : عروة عبدالمنعم الطاهر
عدد المساهمات : 289
نقاط التقييم : 5455
تاريخ التسجيل : 02/01/2010
العمر : 31
الموقع : Sudan
العمل/الترفيه : Pharmacist

مُساهمةموضوع: أبجدية زوجية ساخرة (2) . . بقلمي   الإثنين فبراير 11, 2013 11:15 pm


<< بعد 40 سنة زواج >> :
* الزوج (أ) : الفطور بشنو يا مرة ؟! . .
* الزوجة (ب) : باقيلك حيكون شنو يعني سمك ؟! اكيد فول !! . .
* الزوج (ت) : تعرفي للمساخة و طولة اللسان التقول والدنك جوه شجرة قرض . .
* الزوجة (ث) : ثبت الصينية دي كويس بإيدك البتتراجف دي وبطل ظرافة . . ماشه اجيب لي بصلة نطفح بيها الفول دا . .
* الزوج (ج) : جابك بلا يخمك . . اسرعي اسرعي اسرعي . .
* الزوجة (ح) : حاضر يااااخ ما تكورك تقوم تجيك جلطة ولا سكته تشيل باقي عمرك الفاضل ده . .
* الزوج (خ) : خوخه تقلع ضروسك المافيشات ديل . . اسرعي يا مرة انا ماشي اصرف المعاش حقي ده . .
* الزوجة (د) : ده البتفلح فيهو !! . . اصلا معاشك ده علاجاتك ما مكفيها وكان ما القروش البرسلها ولدنا كنت مت معاك بالجوع ساكت . .
* الزوج (ذ) : ذنبي عليكي وانا زاتو فولك الماسورة ده ما دايرو . . انا مشيت . .
<< بدايات الزواج >> :
* الزوجة (ر) : روحي وحياتي عايز شنو في الغداء ؟! إنت تأمر وأنا أنفذ . .
* الزوج (ز) : زيتونة فؤادي وشرياني الأورطي انتي . . أي حاجة تجيبيها حتكون زي العسل . .
* الزوجة (س) : سمح انا حعمل ليك وجبة ما حصلت عشان خاطر عيونك ديل . .
* الزوج (ش) : شكرا و دا من ذوقك الرائع وانا بحمد ربي كتير اني لقيت زوجة زيك . .
* الزوجة (ص) : صلح لمبة البرنده لأنو ضوها ضعيف واعمل حسابك ماعايزاك تاذي نفسك . . وتعال تلقي الغدا جاهز وبعده التحلية كمان . .
* الزوج (ض) : ضوك انتي كفاية . . بس عشان خاطر عيونك حصلح اللمبة . .
* الزوجة (ط) : طيب يا حياتي انا حمشي اسوي الأكل . . ربنا يحفظك لي وما تشوف شر . .
* الزوج (ظ) : ظبطت الإضاءة وكلو حاجة تمام يا روحي . .
* الزوجة (ع) : عشانك بقيت احسن طباخة وحضرتلك احلي غدا . .
<< فترة الخطوبة >> :
* الزوج مستقبلا (غ) : غيرتي حياتي وشقلبتيها رأسا علي عقب من أول ما شفتك . . وبقيت شخص تاني مختلف تماما . .
* الزوجة مستقبلا (ف) : فكري بقيت إنت المسيطر عليهو . .
* الزوج مستقبلا (ق) : قلبي من مايشوفك بدق بسرعة شديدة وبلقي نفسي غرقت في بحر عينيك . .
* الزوجة مستقبلا (ك) : كلماتي بتروح مني أول ما تلاقي عيوني عيونك ولساني بغلبو الكلام . .
* الزوج مستقبلا (ل) : لحدي أمبارح كنت زول بلا احساس بس بعد قابلتك حاسي بإني مليان بالمشاعر السامية النبيلة تجاهك . .
* الزوجة مستقبلا (م) : معاك بشعر بالأمان . . و فيك لقيت كل مواصفات فارس الأحلام . .
* الزوج مستقبلا (ن) : ناوي اقوليك حاجة وياريت ما ترفضي . . عايز اجيب أهلي وأجي اطلبك من ايد اهلك . . انتي موافقة بي كشريك لحياتك ؟ . .
* الزوجة مستقبلا (ه) : هل تسألني ؟ طبعا موافقة (قالتها بإستحياء وخجل) . .
* الزوج مستقبلا (و) : وغلاوتك عندي حأجي الليلة قبل باكر . .
* الزوجة مستقبلا (ي) : ياخ ما تخجلني نحنا راجنكم (وقامت جارية نظام خجلانه وكده) . .
تمت . . ديسمبر 2012 . .
@ @ @ @
- طبعا الحوارات مرتبة أبجديا حسب الأبجدية العربية . .
- احم ليس بالضرورة أن تعبر القصة عن رأي صاحبها ^_^ . .

-------------------------
..¤.:"*.. د.عـــروتك ..*":.¤..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.ma3arif.ba7r.org
 
أبجدية زوجية ساخرة (2) . . بقلمي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي بستان المعارف :: المنتدي العام :: الادبـــــــــى :: إبداعات بأقلام الأعضاء-
انتقل الى: