منتدي بستان المعارف

منتدي بستان المعارف منتدي يشتمل علي شتي صنوف العلم والأدب والمعرفة ...
 
الرئيسيةالبوابةاليوميةس .و .جبحـثالأعضاءالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
أفضل 10 أعضاء في هذا المنتدى
مدير المنتدي
 
د. عروة
 
amna alamin
 
Mussab
 
آلاء
 
shahir
 
ياسر almak
 
gidro87
 
Dr.S
 
بشير الطيب
 
Google Search
زوار المنتدى

.: عدد زوار المنتدى :.


شاطر | 
 

 مجموعة من الروائع الحلمنتيـــشية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مدير المنتدي
المدير العام
المدير العام
avatar

أوسمة أوسمة : وسام الإداري المميز
عدد المساهمات : 734
نقاط التقييم : 12165
تاريخ التسجيل : 13/05/2009
العمر : 31
الموقع : Sudan
العمل/الترفيه : د.صيدلي

مُساهمةموضوع: مجموعة من الروائع الحلمنتيـــشية   الخميس سبتمبر 16, 2010 1:00 am

سمـاحـتـك عـقّـدتـنـي عــديــل
أعـايـن لـيــك دمـوعــي تـسـيـل
أكُـر فــي الحـمـدو عشـريـن مــرّة
وأقــرى معـاهـا ســـورة الـفـيـل
ولمن تمسكي المنديل وتمسحي بيو كحل عينيك
لـمّـي الـدمـعـة فـوقــوا تـسـيـل
أعـايــن فـــي عـيـونـك ديـــل
وأقــول أريتـنـي كـــان مـنـديـل
مــا بنـفـع كـــلام يـــا ريـــت
نـوعـي ده مـــا شَـبَــه مـنـديـل
مـلامـحـي قـريـبـة للـصـارقـيـل!
كـيـفـن بـــس أكـــون مـنـديـل
ولــمّــا تـقـومــي مـنـعـدلــة
وتـقـدلـي لـيــك كـــم قــدلــة
أفـنـجــط بــــي وراك ســــاي
الــتـــقـــول ســخـــلـــة
أعــايــن وأقـــــول هَـمَــلــة
وحـــلاة الـقـدلـة فـــي أهـلـهـا
حلـيـوه وتـمـشـي بـــي جَهـلـهـا
وتـتـقـصّـد مــشــي الأصــلــة
وأنــا الفجـغـونـي بـــي عَـدلــة
أنــا الـيـادوب فــي دنـيـا الـريـد
منـاي يــا رب ســلام فــي الإيــد
عـيـونـك زي عـيــون الـصـيــد
كُـبــار زي خــــروف الـعـيــد
تـكـهـربـي بـيـهــا خــلــق الله
ونـوعـي ده عــاد جنـونـو يـزيــد
وأقـول يـا رب تسلّـم لــي أو سـاكـت
تأشّر لـي، وكـان غمـزت ده يـوم العيـد
وعينـيـك طالـعـا بينـهـا طـــوّاف
لا الـكـبـكـابــة لا الـــرجّـــاف
تـقـول رشّـونـي بـــي البـفـبـاف
يــجــيــنــي رعــــــــاف
وأقـعـد ألـــف، عـيـونـي تـــرِف
وأقـول أكيـد ده أثــر فـطـور الـفـول
لـمــنّ تضـحـكـي فـــي نُـكـتـه
التـقـول لبـعـونـي بـــي شـنـطـة
وأكــب فــوق العـصـيـر شـطّــة
وأقـرطـع مـــا أسـيــب نُـقـطـة
وأقـول "يـا ســلام عصـيـر لُقـطـة"
وإنتِ تقولي"بالغت وشربت الشطّة يـا إنـتَ"
مالها الشطّـة، مـا شربـات عصيـر كُفتـه
عصـيـر جـركـان مـــن الـدُكّــان
يـتـرشّـه فـــي صـحــن فـتّــة
مـــا مـهــم شـرابــي الـشـطـة
والـمـهــم الـكـلـمـة "بـالـغــت "
و "شـربـت الـشـطّـة يـــا إنـــتَ"

-------------------------
دليل الأعضاء الجدد للتفاعل في المنتدي
¤.:"*.. UNPREDICTABLE LIKE WEATHER ..‏*‏‏"‏:.¤
I'M Mr.Pharmacist


عدل سابقا من قبل مدير المنتدي في الخميس سبتمبر 16, 2010 2:35 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ma3arif.ba7r.org
مدير المنتدي
المدير العام
المدير العام
avatar

أوسمة أوسمة : وسام الإداري المميز
عدد المساهمات : 734
نقاط التقييم : 12165
تاريخ التسجيل : 13/05/2009
العمر : 31
الموقع : Sudan
العمل/الترفيه : د.صيدلي

مُساهمةموضوع: رد: مجموعة من الروائع الحلمنتيـــشية   الخميس سبتمبر 16, 2010 1:34 am

قال ميكانيكي
يا واقفة بين صبري وتروس الفرملة
أنا بحكي ريدك للملأ
والجاني من بستم مشاعرك
بلفو طار بحكيبو لليل والخلا
و أنا بعذرك
وأوزن دركسون الصبر
وأضغط كلتش الأمنيات
لو ألحقك
يا الحنتا زي زيت رجوع
أسود من الشقا والدموع
@@@@@@@@@@@@@@@

قال جزار:
يا طاعمة زي كبدة ابل
بالشطة والليمون شفا
أنا بي وراك سبت القطيع
ضل الدريب وعليك حفا
يا كاسرة بي فرار هواك
أضلعي وظروفي المؤسفة
@@@@@@@@@@@@@@@@
قال مكوجي:
يا كاوية قلبي قبل قميصي
رشيت لياقتو وما انكوى
يا ريتني لو أغسل دواخلي من الهوى
زي عمة بيضا أشرها
صابون هواك غسل النوى
@@@@@@@@@@@@@@@@@@

قال نجار:
مسمار ودقيتي
في خشب الليالي المحزنة
منشار هواك
قطع الصلات الممكنة
يا أبلكاش وفورمايكة
أو تك خشب الجنوب
@@@@@@@@@@@@@@@@@@@@@

قال واحد جعان:
يا حاجة أشبه بالرغيف
مرقوها أسي من الفرن
أنا بفقدك لما العيون
تشتاق أماسيك الشبع
واتخيلك قدرة
ورحيق الفول
انشالله في أحلاك ظروف
ما نشتهي الجبنة ونطوف
كل الدكاكين مغلقة
والزيت صبح يا زيت مناي
مافي ونشف
مصران مشاعري المرهفة

-------------------------
دليل الأعضاء الجدد للتفاعل في المنتدي
¤.:"*.. UNPREDICTABLE LIKE WEATHER ..‏*‏‏"‏:.¤
I'M Mr.Pharmacist
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ma3arif.ba7r.org
مدير المنتدي
المدير العام
المدير العام
avatar

أوسمة أوسمة : وسام الإداري المميز
عدد المساهمات : 734
نقاط التقييم : 12165
تاريخ التسجيل : 13/05/2009
العمر : 31
الموقع : Sudan
العمل/الترفيه : د.صيدلي

مُساهمةموضوع: رد: مجموعة من الروائع الحلمنتيـــشية   الخميس سبتمبر 16, 2010 1:38 am

ود اللمين .. حنكو السنين
كسَّر بنات الحلَّة جت
ود اللمين ما زول وجاهة
ولا سماحة
ولا جمال
ولا عندو مال
بس زول كلام
حبَّ الفطين بت الحسن
شفتوا الفطين بت الحسن؟؟
قطعة جمال
زهرة خريف
(أموت ركن)
فيك يا الفطين
بت الحسن
( وأصبح قطن)

وداللمين
أشكيك لمين؟؟
نشفت ريقي مع البنات
طيرتهن
جننتني

وأنا يا شباب
بكل صراحة وكل أدب
لا زول وجاهة ولا جمال
ولا عندي مال
ولا زول لسان
زول الله في بلد الله
بس
عشقي البنات
مكتول أنا..
فيك يا الفطين بت الحسن!!
ود اللمين
كان شفتو يا اخوي الخزين
جنن بنات الحلة جت
خلانا نحن العاشقين
نضحك برانا بلا سبب
وقتين يقول
( اجلي المقاطع بالدهب )
مرات نهيم وسط الغيوم
و نتوه كمان وسط السنين
مرات يقول ( اربعة سنين )
مرات يزيدها كمان سنة
سنة يا أنا
يا أنت يا ود اللمين
خليت بنات الحلة جت
ختو الجرايد في الأرض
جاريات وراك طول النهار
شان يسمعو النغم الحنين
و خليتنا نحن المتعبين
جارين وراك
طول السنين
لو نلقى ( همسة شوق ) معاك
أو حتى نظرة من الشباك
لي الأسمر الراسي الرزين
قول لي كيف بعد السنين
و الغربة و الشوق و الحنين
تهجد عيوني من السهر
و اهتف معاك ( رجع البلد )
للغالية أم طبعاً رزين
القالو سموها الفطيــن
أنا ياالفطين بت الحسن
( مكتول هواك أنا من زمان )
قبل الزمان يصبح زمان
و قبل المكان يصبح مكان
من قبل ما عيال أب جويلي
اتغربوا في كردفان
و قبل الشباب ما يعرفوا
لــــــــــــــــيه ؟؟
ود اللمين
جهجه بنات الحلة جت

-------------------------
دليل الأعضاء الجدد للتفاعل في المنتدي
¤.:"*.. UNPREDICTABLE LIKE WEATHER ..‏*‏‏"‏:.¤
I'M Mr.Pharmacist
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ma3arif.ba7r.org
مدير المنتدي
المدير العام
المدير العام
avatar

أوسمة أوسمة : وسام الإداري المميز
عدد المساهمات : 734
نقاط التقييم : 12165
تاريخ التسجيل : 13/05/2009
العمر : 31
الموقع : Sudan
العمل/الترفيه : د.صيدلي

مُساهمةموضوع: رد: مجموعة من الروائع الحلمنتيـــشية   الخميس سبتمبر 16, 2010 1:43 am

يامن حببته وما حصل حباني
قدمت طلبي إليكم من مدة
صهينتموا مثل وزارة الإسكان
حبحبتكم حبا يؤدي بأضلعي
سجلته بالفحم في الحيطان
أنسيت قعداتي مقاصد بيتكم
متفرجخا في عتبة الدكان
راجيكي تفتحي بابكم في مرة
حتي أشوفك حايمة بالفستان
أو تكشحي موية الغسيل بجردل
ويا جردلا شالته أحلي يدان
أو تندهي لأخوك من شارع الظلط
وأخوك كبسة معاكي في كل مكان
أنسيت جلساتك في حفلات العرس
تتجملين بأجمل التيبان ..
وأنا مصنقر ناصية في مقعد
ومقهي فيك مسهي فيك مشحط العينان
وينقرش الطبال في طرقاته
ويلولو الفنان بالألحان
ويقوم ملعون يلوك بوسطه
يدعوك للكاروشه في الميدان
وتقومي ترقصي في الجمايكا بخفة
وتوزعي البسمات بالمجان
والكل ماج وهججوا مثل الجزيرة
تموج بالفيـــــران ..
يا ليتني سما زعافا قاتلا
لقرضتهم قرضا بلا إحسان
حتي العريس وعروسه سممتهم
وغرغرت باقي السم للفنان
جبت الكراسي كلها وردمتها
وأطلقت فيها حارق النيــران
كوركت يا ناس المطافئ الحقوا
النار إمتدت إلي الصيـــــــوان
واذا أتوا ناس المطافئ قلت :
يا ناس المطافئ ثوانــــــــي .!
في القلب بارود وفي المصران ألغام
فلتطفوا نار الحب في مصراني
أو تأمروا هذي البنية تحبني
ما دام أبت ريدتنا بالإحســـــــــــان

-------------------------
دليل الأعضاء الجدد للتفاعل في المنتدي
¤.:"*.. UNPREDICTABLE LIKE WEATHER ..‏*‏‏"‏:.¤
I'M Mr.Pharmacist
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ma3arif.ba7r.org
مدير المنتدي
المدير العام
المدير العام
avatar

أوسمة أوسمة : وسام الإداري المميز
عدد المساهمات : 734
نقاط التقييم : 12165
تاريخ التسجيل : 13/05/2009
العمر : 31
الموقع : Sudan
العمل/الترفيه : د.صيدلي

مُساهمةموضوع: رد: مجموعة من الروائع الحلمنتيـــشية   الخميس سبتمبر 16, 2010 1:58 am

لو زهجانه واظنك
ما عرفتي سؤالي عنك
يا اللزيزه الكلكي جنك
عايز اكون انا ابقي منك
اي حاجه قريبه منك
تبقي طربيزه ابقي كرسي
تبقي راكب ابقي تكسي
بيكي اسافر لام دقرسي
وتبقي حافله ابقي بوكسي
وياسلام لو ابقي ببسي
تشربيني
تقرطعيني
تدفقيني
وما مهم
هي قرطعيني
بس مهم شوفت عيونك ابقي اي حاجة قريبه منك
تبقي وردي ابقي ترباس
تبقي سانتو ابقي كدباس
تبقي بنكي ابقي حراس
تبقي برعي ابقي عباس
تبقي اوبرا ابقي ترباس
ابقي غرقان تبقي رفاس
رفسيني
وفتشيني
وغرقيني
وفنجطيني
وماهم
هي رفسيني
بس مهم شوفت عيونك وابقي اي حاجه قريبه منك
تبقي فالق ابقي مفلوق
تبقي كسره ابقي طايوق
تبقي منفوخ ابقي مطفوق
تبقي ويكه ابقي لايوق
تبقي شناق ابقي مشنوق
تبقي حراق ابقي محروق
وياسلام لو تبقي خازوق
مقلبيني
وزهجيني
وعكريني
ومامهم
هي مقلبيني
بس مهم شوفت عيونك وابقي اي حاجه قريبه منك
تبقي حيطه ابقي طوبه
تبقي روسيا ابقي كوبا
تبقي جمباظ ابقي هوبا
تبقي غنمايه ابقي لوبه
تبقي فاطمه ابقي زوبه
ابقي راس هي تبقي قوبه
الميني
وعوريني
وبشتنيني
وزهجيني
ومامهم
هي عوريني
بس مهم شوفت عيونك وابقي اي حاجه قريبه منك
تبقي سكر ابقي ضبان
تبقي بوليس ابقي بمبان
تبقي كبده ابقي مصران
تبقي شيته ابقي طرزان
ابقي حفله وتبقي سكران
فرتقيني
وجهجهيني
وبهدليني
ومامهم
هي فرتقيني
بس مهم شوفت عيونك وابقي اي حاجه قريبه منك
قالو زعلانه واظنك
قالو قرفانه واظنك
ماكي عارفه سؤالي عنك
يااااااااااااا اللزيزه الكلكي جنك
عايز اكون انا ابقي منك اي حاجه قريبه منك
اي حاجه قريبه منك
اي حاجه قريبه منك
اي حاجه قريبه منك


-------------------------
دليل الأعضاء الجدد للتفاعل في المنتدي
¤.:"*.. UNPREDICTABLE LIKE WEATHER ..‏*‏‏"‏:.¤
I'M Mr.Pharmacist
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ma3arif.ba7r.org
 
مجموعة من الروائع الحلمنتيـــشية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي بستان المعارف :: المنتدي العام :: الادبـــــــــى :: المنتدي الشعري-
انتقل الى: